Mtayarishaji wa maudhui mtandaoni, Ruth K, amefichua rasmi mpenzi wake mpya, siku chache tu baada ya aliyekuwa mpenzi wake, Mulamwah, kurudiana na Carol Sonnie.
Kupitia kurasa zake za mitandao ya kijamii, Ruth K ameshiriki picha na video akiwa na mwanaume ambaye hakufichua utambulisho wake kikamilifu, hatua iliyozua hisia mseto miongoni mwa mashabiki. Ingawa hakutoa maelezo mengi, maudhui aliyochapisha yalionyesha ukaribu na furaha, hali iliyowafanya wengi kuamini kuwa amefungua ukurasa mpya wa maisha yake ya kimapenzi.
Hatua hiyo imekuja wakati ambao bado mashabiki wanajadili kwa kina kurejea kwa uhusiano kati ya Mulamwah na Carol Sonnie, jambo lililothibitishwa hadharani hivi karibuni. Wengi wamechukulia hatua ya Ruth K kama ujumbe wa moja kwa moja unaoashiria kuwa hana kinyongo na ameendelea na maisha yake.
