Tag: guardian angel

Msanii wa muziki wa injili nchini Kenya, Guardian Angel, ameanzisha kampeni maalum ya kuhamasisha mashabiki na jamii kwa ujumla kuhusu athari za unyanyasaji wa mtandaoni (cyber bullying), Kupitia ujumbe aliouchapisha kwenye mitandao ya kijamii, Guardian Angel ametoa wito wa kusitisha kabisa vitendo vya unyanyasaji wa mtandaoni, akieleza kuwa tatizo hilo linaelekea kuwa miongoni mwa changamoto kubwa zaidi za mtandaoni kwa sasa. Msanii huyo amebainisha kuwa cyber bullying tayari inaathiri hadi asilimia 53 ya watoto, jambo linalotia wasiwasi mkubwa kwa wazazi na jamii kwa ujumla. Guardian Angel na mke wake Esther Musila wamekuwa miongoni mwa waathiriwa wakubwa wa cyber bullying, hali iliyowasababishia maumivu ya kihisia kiasi cha kutishia kuchukua hatua za kisheria, ikiwemo kuwafungulia mashitaka wahusika wanaowatusi mtandaoni

Msanii wa muziki wa Injili, Guardian Angel, ametoa onyo kali kwa watumiaji wa mitandao wanaoeneza chuki na kuwakandamiza wengine kupitia maneno ya kashfa na matusi. Kupitia ujumbe wake mtandaoni, Guardian Angel amesema kuwa watu wengi wanaumizwa na maudhui ya chuki yanayoenezwa bila kujali hisia zao, akibainisha kuwa wengi wao hupitia mateso makubwa kimya kimya kutokana na maneno ya ukatili yanayorushwa dhidi yao bila huruma. Amesisitiza kuwa wale wanaotumia mitandao kuumiza wengine kwa lugha za kudhalilisha watawajibika siku moja, akisema hakuna atakayeweza kutoroka matokeo ya matendo yake. Guardian Angel amewataka watumiaji wa mitandao kutumia majukwaa yao kwa ajili ya kujenga na kuhamasisha upendo, badala ya kutumika kama chanzo cha chuki, majeraha ya kiakili na machafuko ya kijamii.

Staa wa nyimbo za injili nchini Kenya, Guardian Angel, amemtaka mtangazaji Oga Obinna kupuuza ukosoaji wa watu na kuendelea kusaidia vijana kupitia jukwaa lake, akisisitiza umuhimu wa kufanya mema bila kuathiriwa na maneno ya chuki. Akizungumza katika hafla ya kumuaga marehemu Shalkido hapo jana, Guardian amemtia moyo mtangazaji huyo, akimhimiza kutokata tamaa licha ya wimbi la ukosoaji alioupokea mitandaoni Hitmaker huyo wa Kimya, amempongeza Obinna kwa moyo wake wa kusaidia watu na kumtaka aendelee na juhudi zake za kuinua jamii licha ya upinzani na ukosoaji anaokutana nao. Guardian ameongeza kuwa mara nyingi watu wanaojituma kufanya mazuri ndio hukosolewa zaidi, lakini kinachojalisha ni athari chanya wanayoacha katika jamii. Guardian Angel, alikuwa miongoni mwa waombolezaji waliouthuria mazishi ya msanii wa miondoko ya Gengetone, Shalkidoh, yaliyofanyika jana katika kijiji cha Kimbo Matangi, Kaunti ya Kiambu.

Mwanamuziki wa nyimbo za injili Guardian Angel ametangaza mipango mikubwa ya kujenga kanisa lake kabla ya kumalizika kwa mwaka huu, akisema ni njia yake ya kumrudishia Mungu shukrani kwa wema wake. Kupitia ujumbe alioweka mtandaoni, Guardian Angel amesema kuwa Mungu amekuwa mwema kwake kwa namna isiyoelezeka, na kwa sababu hiyo ameamua kujitolea kujenga nyumba ya ibada kama ishara ya shukrani na imani thabiti kwa muumba wake. Msanii huyo amesisitiza kuwa hatua hiyo siyo ya kibiashara wala mradi wa kutafuta misaada, bali ni jukumu la kiroho alilopokea kwa moyo wa unyenyekevu. Hata hivyo ameweka wazi kuwa hahitaji fedha wala michango kutoka kwa mashabiki wake, bali bali anawaomba maombi pekee ili Mungu aendelee kumpa nguvu na mwongozo katika kutimiza azma hiyo.

Msanii wa muziki wa injili nchini Kenya, Guardian Angel, amefichua kiwango kikubwa cha fedha anachotumia kila mwezi kugharamia mahitaji yake ya msingi. Akipiga stori na podcast ya Mwakideu live, Guardian Angel amesema kuwa matumizi yake ya kila mwezi ni zaidi ya Shillingi milioni 1.5. Kwa mujibu wa msanii huyo, kiasi hicho kinahusisha gharama za maisha, miradi ya muziki, pamoja na majukumu mengine ya kifamilia na kijamii anayobeba. Amebainisha kuwa licha ya muziki wa injili kutoonekana kama sekta yenye mapato makubwa, yeye ameweza kujipanga kimaisha kuhakikisha anadumisha kiwango chake cha maisha. Kauli yake imezua mjadala mitandaoni, baadhi ya mashabiki wakisifia uaminifu na uthubutu wake wa kuweka wazi hali yake ya kifedha, huku wengine wakishangazwa na ukubwa wa gharama hizo.