Tag: AKOTHEE

Mwanamuziki na mfanyabiashara Akothee amemjibu kwa hasira shabiki aliyetoa maoni mtandaoni akidai kuwa alimharibia aliyekuwa mpenzi wake wa zamani, Nelly Oaks, muda wa ujana wake na kumtaka atafute mke ili asalie watoto kabla hajachelewa. Shabiki huyo alidai kuwa Nelly Oaks anapaswa kuendelea na maisha yake na kujenga familia mapema, akihusisha uhusiano wake wa zamani na Akothee kama sababu ya kupoteza muda. Akothee hakuvumilia kauli hiyo na aliibuka kumkemea shabiki huyo kwa kumhusisha Nelly katika mjadala huo. Amehoji kwa nini jina la Nelly linavutwa katika mazungumzo hayo na kusisitiza kuwa ana heshima kubwa kwake. Aidha, ameeleza kuwa si sahihi kwa watu wa nje kudhani wanajua mipango au maamuzi ya maisha ya Nelly Oaks, akiuliza ni nani aliyesema hana au hatakuwa na mke na watoto.. Akothee na Nelly Oaks waliwahi kuwa katika uhusiano uliovuta hisia za wengi kabla ya kutengana, lakini wameonekana kudumisha heshima ya pande zote hata baada ya kuachana.

Msanii wa muziki kutoka Kenya, Akothee, ameonekana kukerwa na maswali ya mara kwa mara kutoka kwa baadhi ya mashabiki wake wanaoendelea kumuulizia aliyekuwa mpenzi wake, Nelly Oaks. Kupitia kauli yake ya moja kwa moja, Akothee amewajibu mashabiki hao kwa ukali akisema, “Mumeskia ametangazwa amekufa?” kauli iliyoonyesha wazi kuchoshwa kwake na mada hiyo ambayo anaonekana hataki kuirudia tena. Akothee ameonekana kusisitiza kuwa kila mtu ana maisha yake na kwamba uhusiano wake wa zamani haupaswi kuendelea kuwa mjadala wa kila siku mitandaoni. Mwanamama huyo, ameeleza kuwa mashabiki wanapaswa kuzingatia mambo ya maana zaidi badala ya kuendelea kuchimba masuala aliyoyaacha nyuma.

Msanii asiyeishia na matukio kila leo, Akothee, ameonyesha kuchukizwa kwake na tabia ya baadhi ya wanaume wanaomfuata kupitia jumbe za faragha wakimtaka kimapenzi au hata kumuomba msaada wa kifedha. Kupitia mitandao ya kijamii, Akothee amesema amechoshwa na wanaume anaowataja kuwa wazembe, ambao badala ya kufanya kazi na kujituma, wamegeuza mitandao ya kijamii kuwa sehemu ya kuomba mahusiano na misaada ya kifedha kutoka kwa wanawake waliopiga hatua kimaisha. Akothee amewataka wanawake kupuuza kabisa wanaume wa sampuli hiyo, akisisitiza kuwa mwanamke hapaswi kubeba majukumu ya mwanaume mzima kwa misingi ya mapenzi. Kauli yake inakuja siku chache baada ya kudai kuwa mwaka 2026 ataanza kuwaanika hadharani wanaume wanaomfuata kwa siri wakimuomba pesa, akisema tabia hiyo imevuka mipaka na haikubaliki katika ulimwengu wa sasa.

Msanii asiyeishiwa na matukio kila leo, Akothee, amewaonya vikali wanaume wanaojaribu kuonyesha nia ya kuanzisha mahusiano ya kimapenzi naye, akisema wazi kuwa kwa sasa hayuko sokoni wala hana mpango wa kuingia kwenye uhusiano wowote. Kupitia ujumbe wake uliojaa msimamo Instagram, Akothee amesema hataki kutafutwa kimapenzi na wanaume wasiokuwa na mwelekeo wa maisha au maandalizi ya kifedha. Ameeleza kuwa mapenzi ya kweli hayawezi kuwepo bila msingi wa kifedha. Akothee, anayejulikana kwa kujiamini na kusema mambo bila kuficha, amesema anajua anachotaka katika maisha na hawezi kuruhusu kuvurugwa na maneno matamu yasiyoambatana na vitendo. Kwa mujibu wake, wanaume wanaomfuata bila uwezo wa kujisimamia kifedha wanapoteza muda wao. Mwanamama huyo, amesema amejikita zaidi katika kujijenga binafsi na kukuza biashara zake, huku akiwahimiza wanaume kuwekeza kwanza katika maisha yao kabla ya kufikiria mahusiano.

Mwanamuziki na mfanyabiashara Akothee ameonekana kukerwa na shabiki aliyemuuliza kuhusu aliyekuwa mpenzi wake, Nelly Oaks, wakati akiwa nchini Afrika Kusini. Akothee alikataa kabisa kujadili kuhusu uhusiano wake wa zamani, akionyesha kwamba amesonga mbele na hataki kurudi kwenye mada hizo. Ameeleza kuwa yeyote anayevutiwa na habari za Nelly Oaks anapaswa kufuatilia taarifa zake mtandaoni, badala ya kumrudisha kwenye uhusiano uliokwisha. Akiwa katika mazingira mapya na shughuli mbalimbali Afrika Kusini, Akothee ameonyesha kutoridhishwa na mashabiki wanaoendelea kumhusisha na maisha yake ya zamani, akisisitiza kuwa yupo katika hatua tofauti ya maisha na kwamba kuna wanaume wengi kwenye dunia, hivyo hajafungamana na yaliyopita. Kauli yake imewafanya mashabiki kutofautiana mtandaoni, baadhi wakimwelewa Akothee kwa kutaka kuheshimu maisha yake mapya, huku wengine wakionyesha udadisi zaidi kuhusu historia yake ya kimapenzi.

Msanii wa muziki kutoka Kenya, Akothee, amewakosoa vikali baadhi ya mastaa nchini humo kwa kile alichokiita kuishi maisha ya uongo kwenye mitandao ya kijamii. Akothee anadai kuwa mastaa wengi wanajionyesha kama watu wenye utajiri mkubwa mtandaoni, lakini ukweli ni kwamba wengi wao hawana uwezo huo katika maisha ya kawaida. Mwanamama huyo, amewataka mashabiki kutopoteza muda kujilinganisha na maisha ya watu wanaowaona mtandaoni, akisema maisha ya mtandaoni mara nyingi hayalingani na uhalisia. Sanjari na hilo, Akothee amewakosoa baadhi ya content creators wanaotafuta umaarufu kwa kutumia matusi na kuwashambulia mastaa, akisema aina hiyo ya maudhui inachochea chuki na inakosa ubunifu. Amewahimiza kutengeneza maudhui yanayozingatia kazi yenye thamani badala ya kutegemea kiki za muda mfupi.